Nyang Pasti Lu Kaga Pilih Tidur Ame Die Kaaan...?

"Ujang lagi asik-asiknye nonton bola depan tipi, tau-tau bininye nyelonong aje depan doski:

"Bang, lampu teras rumah putus, tolong gantiin ame yang baru dong!"

"Masang lampu ?! Ape lu kire gue PLN!!" Ujang nyaut enteng.

Rada kesel, bininya ngomong lagi: "Ya udeh kalo kaga mau mah. Tapi tolong benerin aje keran kamar mandi, ntu tuh aernya ampe luber-luber."

"Benerin keran ?! Ape lu kire gue pegawe PAM ape!!" kata Ujang sambil m'rongos

Sambil nyabarin ati, bininya bilang: "Ya udah, kalo lu pegi beli rokok ke warung gue nitip minyak tanah deh."

"Lu kagak bisa liat orang lagi enak nonton kali ye, lagian lu kire gue Pertamina ape...!!" Ujang tambah sewot.

Lantaran berasa digangguin terus, Ujang ngeloyor ke rumah tetangge, ninggalin bininye nyang lagi sesenggukan nangis. Ujang balik-balik ke rumahnye udah jem 2.

Tapinye Ujang kaget lantaran teras rumahnye udah terang. T rus Ujang ke kamar mandi, aer udah kaga luber-luber, ke dapur eh jerigen minyak juga udah pul teng.

Paginye Ujang nanya ame bininye: "Lu minta tulung ame siape...?"

"Gini bang, abis abang minggat, gue nangis di teras. Terus ade cowok kece lewat nanyain gue. Gue cerite ape adenye, juga soal abang nyang sewot dan laen-laen. Terus die nawarin buat ngebantuin. Tapi ada syaratnye, Bang..."

"Ape syaratnye...?" Ujang penasaran pingin tau.

Bininya jawab: "Syaratnye bisa pilih, gue bikinin die roti atawa gue tidur ame die.."

"Terus nyang pasti elu bikinin die roti, kaga pilih tidur ame die kan...?" Ujang ngedesek.

"Bikinin roti ?! Enak aje!! Lu pikir gue pegawe pabrik roti H*LLAND B*KERY apee...!!"

Ujang: #Tepok jidat, gigitin ubin, t rus pingsan.#